IELTS

Ի՞նչ է IELTS One Skill Retake

Կարո՞ղ եմ ես հանձնել One Skill Retake

One Skill Retake-ի արժեքը անփոփոխ է անկախ այն բանից, թե քննության որ բաժինն եք դուք ուզում վերահանձնել (Լսել, Կարդալ, Գրել կամ Խոսել)։

Երկրից կախված One Skill Retake-ի արժեքը կարող է տատանվել, սակայն, որպես կանոն, այն կազմում է լրիվ քննության արժեքի 2/3։ Երևանյան մեր IELTS կենտրոնում One Skill Retake-ի արժեքը կազմում է 70 500 դրամ կամ 20 100 ռուբլի՝ ՌԴ-ից վճարելու դեպքում։

Անհրաժեշտ է գրանցվել և հանձնել IELTS One Skill Retake-ը հիմնական թեստը հանձնելու պահից 60 օրվա ընթացքում։

Ձեր արդյունքները դուք կստանաք 3-5 օրվա ընթացքում։

Դուք կստանաք նոր հավաստագիր (IELTS Test Report Form) վերահանձնված բաժնի նոր գնահատականով և հին հավաստագրում նշված այն երեք մնացած բաժինների գնահատականներով, որոնք դուք չեք վերահանձնել։ Բնականաբար, ընդհանուր գնահատականը նույնպես կարող է փոխվել։ Նոր հավաստագրում կնշվի ձեր հիմնական քննության ամսաթիվը (երբ դուք հանձնել եք բոլոր 4 բաժինները)։

Այո, ձեր հին հավաստագիրը (հիմնական քննության) կմնա ձեզ մոտ և հանձնելու պահից երկու տարվա ընթացքում երկու հավաստագրերն էլ վավեր կլինեն։ Դրանք երկուսն էլ դուք կկարողանաք հավասարապես ներկայացնել ձեզ հետաքրքրող կազմակերպություններ։

Եթե մտադիր եք բողոքարկել հիմնական քննության արդյունքերը, դուք դա պետք է անեք քննությունը հանձնելու պահից 2 շաբաթվա ընթացքում և սպասել բողոքարկման պատասխանին, որից հետո նոր կարող եք գրանցվել One Skill Retake այդ նույն թեստի համար։

Այո, դուք կարող եք բողոքարկել այն բաժնի արդյունքները, որը վերահանձնել եք IELTS One Skill Retake-ով՝ հիմնական թեստը հանձնելու պահից 6 շաբաթվա ընթացքում։

IELTS One Skill Retake-ը դուք կարող եք հանձնել ցանկացած կենտրոնում, որը ընդունում է տվյալ քննությունը։ Այնուհանդերձ, շատ կարևոր է համոզվել, որ ընտրված կենտրոնը ներկայացնում է քննության այն նույն սեփականատիրոջը, ինչ այն կենտրոնը, որտեղ դուք հանձնել եք հիմնական քննությունը։ Օրինակ, եթե դուք քննություն եք հանձնել ցանկացած IDP կենտրոնում, ապա One Skill Retake-ը նույնպես կարող եք հանձնել ցանկացած կենտրոնում, միայն անպայման IDP (բնականաբար, եթե այդ կենտրոնը առաջարկում է One Skill Retake-ի ծառայություններ): Միաժամանակ, խնդրում ենք անմիջականորեն այն կազմակերպությունում, որի համար հանձնում եք IELTS, ստուգել նաև՝ իրենք ընդունու՞մ են ուրիշ երկրում հանձնված One Skill Retake-ի արդյունքները։

IELTS One Skill Retake-ը հասանելի է շատ երկրներում, բայց մենք խորհուրդ ենք տալիս մինչև քննության համար գրանցվելը այդ հարցը պարզել կոնկրետ կենտրոնում։ Որպեսզի դուք հնարավորություն ունենաք հանձնել IELTS One Skill Retake-ը, դուք պետք է վերջին 60 օրերի ընթացքում իրավասու կենտրոնում հանձնած լինեք IELTS-ի լրիվ քննությունը համակարգչով։

IELTS One Skill Retake-ը հասանելի է Հայաստանում գտնվող մեր IELTS կենտրոնում։

IELTS One Skill Retake-ը ընդունում են UK Visas and Immigration, the Australian Department of Home Affairs, Immigration New Zealand և էլի շատ բուհեր, որոնց ցանկը անընդհատ համալրվում է։

Արագ ստուգման համար կարող եք օգտվել հետևյալ հղումից՝ https://ielts.idp.com/about/who-accepts-ielts-one-skill-retake:

Այնուհանդերձ, խորհուրդ ենք տալիս նախքան քննության համար գրանցվելը հենց ձեր ուսումնական հաստատությունում կամ ցանկացած այլ կազմակերպությունում, որի համար դուք հանձնում եք IELTS-ը, ճշտել՝ իրենք ընդունու՞մ են արդյոք IELTS One Skill Retake-ի արդյունքները։

Դուք կարողղ եք վերահանձնել քննության ցանկացած մեկ բաժինը, լինի դա Listening, Reading, Writing կամ Speaking:

One Skill Retake-ի ձեր կողմից ընտրված բաժինը հանձնելու տևողությունը և ձևաչափը բացարձակապես նույնն են, ինչ լրիվ քննությունը հանձնելիս։ Միայն թե այս դեպքում դուք կխնայեք ձեր ուժերը և ժամանակը, քանի որ մնացած երեք բաժինները այլևս չեք հանձնի։

Ոչ, յուրաքանչյուր հիմնական քննության համար դուք կարող եք վերահանձնել միայն մեկ բաժինը և միայն մեկ անգամ։

Ոչ։ Յուրաքանչյուր հիմնական քննության համար վերահանձնել կարելի է միայն մեկ բաժինը։ Դուք չեք կարող ամրագրել երկրորդ One Skill Retake-ը միևնույն հիմնական քննության համար։ Եթե ցանկանում եք բարելավել երկու կամ ավելի բաժինների գնահատականը, այդ դեպքում պետք է վերահանձնեք ամբողջ հիմնական քննությունը (բոլոր 4 բաժինները):

Ոչ, դուք չեք կարող երկրորդ անգամ հանձնել One Skill Retake-ը, եթե առաջին փորձի արդյունքները ձեզ չեն գոհացրել։ Դուք կարող եք միայն բողոքարկել, եթե ցանկանում եք, որ ձեր արդյունքները վերագնահատվեն։

Ցավոք, դուք ամբողջությամբ կկորցնեք ձեր վճարած գումարը և տվյալ հիմնական քննության մասով IELTS One Skill Retake հանձնելու հնարավորությունը։

Այո, պայմանով, որ IELTS One Skill Retake քննությունը հանձնելու ձեր ընտրած ամսաթվից և ժամից առնվազն 72 ժամ առաջ դուք այդ մասին կտեղեկացնեք թեստ-կենտրոնին։ Ընդ որում, թեստ-կենտրոնը չի կարող երաշխավորել, որ IELTS One Skill Retake քննության համար գրանցվելու հաջորդ հնարավոր ամսաթիվը կտեղավորվի վերաքննության համար նախատեսված 60-օրյա ժամկետում։

Քննությունից 72 ժամից պակաս ժամկետում այլևս չեք կարող չեղարկել կամ հետաձգել այն։

UKVI-ն ընդունում է IELTS One Skill Retake-ի արդյունքները աշխարհում գործող որոշ կենտրոններից։
Ցավոք, Հայաստանի մեր IELTS կենտրոնում UKVI-ի համար քննություն հանձնել հնարավոր չէ։

Ներկայումս IELTS One Skill Retake-ը հասանելի է միայն համակարգչային տարբերակով IELTS հանձնելու համար և այն էլ միայն որոշ երկրների մի քանի կենտրոններում։ Քննության սեփականատերերը անում են ամեն հնարավորը՝ ավելի մեծ թվով երկրներում IELTS One Skill Retake-ի հասանելիությունը ընդլայնելու համար։ Մենք ակնկալում ենք, որ ապագայում One Skill Retake-ը հասանելի կլինի նաև IELTS-ի թղթային ձևաչափով, և մենք անպայման կծանուցենք այդ մասին, երբ այն հասանելի դառնա։